Ермек Әбілмәжінұлы Келемсейіт

Ермек Әбілмәжінұлы Келемсеиіт 1952 жылы 22 сәуірде Алматы облысы Панфилов ауданы, Айдарлы ауылында дүниеге келген. 1969 жылы Панфилов ауданы Қоңырөлен ауылының орта мектебін бітірді. 1982 жылы Қазақтың Еңбек Қызыл Ту орденді ауылшаруашылық институтын «Ауылшаруашылығын механизацияландыру» мамандығы бойынша, 1998 жылы Абай атындағы Алматы мемлекеттік университетін «Құқықтану» мамандығы бойынша тәмамдады. 2006 жылы Ш.Уәлиханов атындағы Көкшетау мемлекеттік университетінде «Орман шаруашылық ісінің» Бакалавры біліктілігі мен академиялық дәрежесін алды. 1970-1972 жылдар аралығында Кеңес Әскері қатарында мерзімді әскери қызметін атқарды.
Еңбек жолын 1972 жылы Талдықорған облысы, Кербұлақ ауданы, Басши ауылындағы Калинин атындағы орта мектебінің автокөлік жүргізушісі ретінде бастады.
1974-1976 жылдар аралығында Панфилов ауданы, Октябрь кеңшарының жүргізушісі, 1976-1978 жылдары гараж меңгерушісі, 1978-1985 жылдары бас инженер. 1985-1988 жылдары Панфилов ауданы, «Октябрь» кеңшарының бастауыш партия ұйымының партия комитетінің хатшысы. 1988-1995 жылдар аралығында Панфилов ауданы, Ленин атындағы кеңшар директоры (кейіннен «Үлкен ағаш» ұжымдық кәсіпорны). 1995-2004 жылдар аралығында Қазақстан Республикасы Парламенті Мәжілісінің бірінші және екінші шақырылымдарының депутаты. 2004 жылдың қантар және қыркүйек айлары аралығында Қазақстан Республикасы Ауыл шаруашылығы министірлігінің орман және аң шаруашылғы комитетінің төрағасы. 2005-2012 жылдары Алматы облысы Панфилов ауданының әкімі. 2012 жылдың маусым айынан қараша айына дейін Алматы облысы әкімінің кеңесшісі. 2012 жылдың 28 қазанында Алматы облыстық мәслихаттың V шақырылымының депутаты болып сайланды. 2012 жылдың 14 қарашасынан бастап Алматы облыстық мәслихатының хатшысы.
Қазақстан Республикасының «Құрмет» орденімен, көптеген медальдармен марапатталған.