Ербол Жолдасбекұлы Нұрғалиев

Ербол Жолдасбекұлы Нұрғалиев 1975 жылы 10 ақпанда Семей облысы Жарма ауданы Қызылағаш ауылында дүниеге келген.  Орта мектепті бітірген соң М.Әуезов атындағы Семей педагогикалық колледжіне оқуға түсіп 1994 жылы  бастауыш сыныптарының мұғалімі мамандығы бойынша бітірді.
2000 жылы Шәкәрім атындағы Семей педагогикалық институтын мектептегі тарих және құқық мамандығы бойынша тәмамдады. 2001 жылы Қазақ инновациялық гуманитарлық - заңгерлік университетін аяқтап, экономика мамандығын алды.
Еңбек жолын 1994 жылғы қыркүйек айында Жарма ауданындағы орта мектепте мұғалім болып бастады. 1996 жылғы 1 қыркүйекте осы мектеп директорының орынбасары болып тағайындалды.
2002 жылғы 7 қазанда Жарма ауданы ішкі саясат бөлімінің меңгерушісі лауазымына тағайындалды. 2005 жылғы маусымда Жарма ауданы әкімінің көмекшісі қызметіне тағайындалды. 2009 жылы Көкпекті ауданы әкімінің орынбасары қызметіне тағайындалды.
2011 жылғы 25 сәуірден бастап Шығыс Қазақстан облысы ішкі саясат басқармасының бастығы болып қызмет атқарады.