Дулат Назарбекұлы Әбіш

Дулат Назарбекұлы Әбіш 1962 жылы 13 наурызда  Оңтүстік Қазақстан облысы, Алғабас ауданында дүниеге келген. Жезқазған педагогикалық институтын 1988 жылы тәмамдаған.
1988-1990 жылдары орта мектепте мұғалім; 1990-1996 жылдары «Жас даурен», «Спутник молодежи», «Тәуелсіз Түркістан» газеттерінде тілші, бөлім меңгерушісі, бас редактордың орынбасары, бас редактор болып қызмет атқарды; 1996-2000 жылдары "Айғақ" газетінің бас редакторы;  2000 жылдан бастап «Айғақ Медиа» ЖШС-нің президенті.
Қазақстан Республикасы Президентінің жанындағы Бұқаралық ақпарат құралдары (ақпараттық саясат) жөніндегі Қоғамдық Кеңестің мүшесі, Қазақстанның Құрметті журналисі, Халықаралық баспасөз институтының мүшесі, «Құрмет» орденінің, «Қазақстан Республикасы Конституциясына – 10 жыл», «Қазақстан Республикасының Тәуелсіздігіне 20 жыл» мерекелік медальдарының иегері, ҚР Президенті Н.Ә.Назарбаевтың Алғыс хаттарымен, ҚР Байланыс және ақпарат министрлігі Ақпарат және мұрағат комитетінің Құрмет Грамотасымен марапатталған. Оңтүстік Қазақстан облысы мәслихатының депутаты, «Нұр Отан» партиясының мүшесі.