Данияр Әмірбайұлы Берлібаев

 Данияр Әмірбайұлы Берлібаев 1968 жылы 21 желтоқсанда Тараз қаласында дүниеге келген. Қазақ мемлекеттік университетін бітірген. Қазақстан Ғылым академиясы Мемлекет және құқық институтында кіші ғылыми қызметкер болған. «ҚазТрансОйл» мұнай тасымалдау ұлттық компаниясы» жабық акционерлік қоғамының атқарушы директоры, президентінің кеңесшісі, «ҚазТранГаз» жабық акционерлік қоғамының вице-президенті, «Intergas Central Asia» жабық акционерлік қоғамы бас директорының орынбасары, «Мұнай және газ көлігі» ұлттық компаниясы» жабық акционерлік қоғамының бірінші вице-президенті, «ҚазМұнайГаз» ұлттық компаниясы» жабық акционерлік қоғамының басқарушы директоры қызметтерін атқарған. 2005-2007 жылдары «Intergas Central Asia» акционерлік қоғамының бас директоры болған. 2007-2011 жылдары - «ҚазМұнайГаз» ҰК вице-президенті, басқарушы директоры, Сауда үйінің бас директоры, «ҚазТрансГаз» АҚ бас директоры. 2011 жылғы қазаннан - «ҚазМұнайГаз» ҰК» АҚ газ жобалары бойынша басқарушы директоры. 2012 жылғы ақпаннан бастап «ҚазМұнайГаз» ұлттық компаниясы» акционерлік қоғамының басқарма төрағасының бірінші орынбасары.
«Құрмет» орденімен, екі медальмен марапатталған.