Болат Орайханұлы Құспанғалиев

Болат Орайханұлы Құспанғалиев 1944 жылы 10 тамызда Алматы қаласында дүниеге келген. Ташкент политехникалық институтын бітірген. ҚР құрметті сәулетшісі, Шығыс елдері архитектурасы халықаралық академиясының академигі, профессор, ҚР білім беру ісінің үздігі, Қазақстанның құрметті сәулетшісі.
Алматы қаласы бас сәулетшісінің аппаратында сәулетші, бөлім меңгерушісі болып еңбек етті. 1977-1981 жылдары - Қазақ политехникалық институтының ассистенті, доценті, профессоры. 1981-2003 жылдары - Алматы құрылыс-сәулет институтының проректоры, бірінші проректоры. 2003 жылдан бастап Қ.Сәтбаев атындағы Қазақ ұлттық техникалық университеті Ғылым және халықаралық байланыстар департаментінің директоры.
Ғалымның 50-ден астам ғылыми және жобалық жұмысы, сонымен қатар «Қазақстанның тұрғын-үй құрылысы» атты кітабы бар. Б.Құспанғалиев 2007 жылы «Жыл таңдауы» ұлттық фестиваль-конкурсының «Қазақстанның жоғары мектебінің және сәулетінің дамуына қосқан үлесі үшін» аталымы бойынша жеңіске жетіп, «Алтын адам» мүсіншесін иеленді.