Бейімбет Бәйектіұлы Ермұханов
Бейімбет Бәйектіұлы Ермұханов 1936 жылы 10 маусымда Астрахан облысы, Володар ауданы, Тюрин ауылында дүниеге келген. Тарих ғылымының докторы (1980), профессор (1982), Қазақстанның еңбек сіңірген жоғары мектеп қызметкері (1986).
1960 жылы ҚазМУ-ды (қазіргі ҚазҰУ) және 1963 жылы Мәскеу университетінің аспирантурасын, 1965 жылы СОКП ОК жанындағы Қоғамдық ғылым академиясының докторантурасын тәмамдаған. 1967–1987 жылдары Алматы жоғары партия мектебінде аға оқытушы, доцент, профессор. 1987–1992 жылдары Алматы педагогика шет тілдер институтының (қазіргі Қазақ халықаралық қатынастар және әлем тілдері университеті) ректоры. 1992–2000 жылдары ҚазҰПУ-да кафедра меңгерушісі болып істеді. 2000 жылдан ҚазҰПУ-дың профессоры. «Борьба всеобщей конфедерации труда Франции за единство действий профсоюзов» деген тақырыпта докторлық диссертация қорғады. Ермұқанов 100-ден астам ғылыми-зерттеу еңбектің авторы. Вьетнамның Хошемин қаласының құрметті азаматы.
