Әсима Темкеқызы Бимендина 1955 жылы 24 наурызда РКФСР Омбы қаласында дүниеге келген. Омбы педагогикалық институты шетел тілдері факультетін (1977) шет тілінің мұғалімі мамандығы бойынша; ҚР Президентінің жанындағы Мемлекеттік қызмет академиясы біліктілік арттыру курстарын бітірген (2003). Балалар-жасөспірім туризмі мен өлкетану академиясының академигі (2006). «Нұр Отан» ХДП мүшесі.
1977 жылдан - Омбы облысы Павлоград аудандық халыққа білім беру бөлімі Логиновский орта мектебінің шет тілі мұғалімі, 1978 жылдан - сыныптан тыс және мектептен тыс жұмыстарды ұйымдастырушы. 1979 жылдан - РКФСР Омбы облысы Павлоград аудандық комсомол комитетінің хатшысы, 1980 жылдан - бірінші хатшысы. 1983 жылдың қаңтарынан - Солтүстік Қазақстан облыстық комсомол комитетінің нұсқаушысы, 1983 жылдың сәуірінен - СҚО Жамбыл аудандық комсомол комитетінің бірінші хатшысы. 1986 жылдан - СҚО Компартиясы Жамбыл аудандық, 1988 жылдан - Возвышенский аудандық комитеттерінің үгіт-насихат бөлімінің нұсқаушысы. 1993 жылдан - СҚО Возвышенский аудандық әкімшілігінің ішкі саясат бөлімінің меңгерушісі, 1995 жылдан - тілдер секторының меңгерушісі. 1996 жылдан - СҚО Возвышенский ауданы әкімі аппаратының ішкі саясат және әлеуметтік сала бөлімінің меңгерушісі. 1997 жылдан - Солтүстік Қазақстан облыстық Білім департаментінің жетекші маманы (Петропавловск қ.). 1998 жылдан - Астана қаласы «Алматы» ауданы әкімі аппаратының ұйымдастыру және кадр жұмыстары бөлімінің бас маманы, 1999 жылдан - ішкі саясат және әлеуметтік сала бөлімінің меңгерушісі. 2001 жылдан - Астана қаласы «Алматы» ауданы әкімінің орынбасары. 2002 жылдың қарашасынан - Астана қаласы Ішкі саясат департаментінің директоры орынбасарының міндетін атқарушы, 2002 жылдың желтоқсанынан - директордың орынбасары. 2003 жылдан - Астана қаласы «Алматы» ауданы әкімінің орынбасары. 2006 жылдан - Астана қаласы Білім департаментінің директоры. 2008 жылдан 2013 жылға дейін - Астана қаласы Білім басқармасының бастығы. 2013 жылдың қарашасынан ҚР Парламент Мәжілісінің депутаты.
«Құрмет» орденімен (2009); «Қазақстан Республикасының Тәуелсіздігіне 10 жыл» (2001), «Астананың 10 жылдығы» (2008), Қайырымдылыққа «Сауап» (2009) медальдарымен, Астана қаласы әкімінің алғыс хаттарымен (2000- 2010) марапатталған. ҚР Білім беру саласының Құрметті қызметкері (2007).