Асан Заманхан

Асан Заманхан  1961 жылы 11 ақпанда Оңтүстік Қазақстан облысы Алғабас ауданының Ақмешіт кентінде дүниеге келген. Алматы халық шаруашылығын басқару институтының «Бухгалтерлік есеп және шаруашылық қызметті талдау» факультетін (1990) экономист мамандығы бойынша; Қазақ гуманитарлық-заң университетінің «Заң ғылымдары» факультетін (2006) заң ғылымдарының бакалавры мамандығы бойынша бітірген. 
1979 жылы - «Шардара» аудандық кооператив кеңшарының экспедиторы (ОҚО Алғабас ауданы, Шардара ауылы). 1980 жылы мамырынан - ОҚО Алғабас ауданы Шаян ауылының шаруашылық есептегі дүкенінің есепшісі. 1980 жылы қазанынан - Алматы нұсқаушылық-тексеру мектебінің тыңдаушысы. 1981 жылы - Алғабас аудандық тұтынушылар одағы аудандық даярлау кеңсесінің аға есепшісі, бас есепшісі (ОҚО Шаян ауылы). 1986 жылы - «Красная Нива» шаруашылық есептегі дүкенінің директоры (ОҚО Ақмешіт ауылы). 1993 жылы - «Қазагроөнеркәсіпбанк» ААҚ төрағасы (Шымкент қ.). 2001 жылы - «Елім-ай» ЖШС директорының орынбасары (Шымкент қ.). 2003 жылдың қаңтарынан бері - «Қазпошта» АҚ Оңтүстік Қазақстан облыстық бөлімшесінің директоры.
«Нұр Отан» ХДП мүшесі. Оңтүстік Қазақстан облыстық мәслихатының 4-ші шақырылымының депутаты (2007 жылдан). «Құрмет» орденімен (2010), «Астананың 10 жылдығы» (2008) медалімен, Оңтүстік Қазақстан облысы әкімінің Құрмет грамотасымен (2005), Оңтүстік Қазақстан облысы әкімінің грамотасымен (2007), ҚР Президентінің Алғыс хатымен (2007), Оңтүстік Қазақстан облысы әкімінің дипломымен (2008) марапатталған. ОҚО Бәйдібек, Сарыағаш, Түркістан аудандарының құрметті азаматы.