Арыстанбек Мұхаммедиұлы

Арыстанбек Мұхаммедиұлы 1963 жылы 11 ақпанда  Алматы облысы, Талғар ауданы, Тұздыбастау ауылында дүниеге келген. 1981 жылы А.Жұбанов атындағы музыка мектебін, 1986 жылы Құрманғазы атындағы Қазақ ұлттық консерваториясын,  1997 жылы  ҚР Президентінің жанындағы Мемлекеттік басқару академиясын, 2001 жылы әл-Фараби атындағы ҚазМУ-дің аспирантурасын  тәмамдаған.  Тарих ғылымының кандидаты, философия ғылымының докторы.
Еңбек жолын 1984 жылы Жамбыл атындағы Қазақ мемлекеттік филормониясында бастады. 1991-1993 жылдары ҚР Мәдениет министрлігінде бас маман, мәдениет министрінің көмекшісі болды. 1994 -1996 жылдары "Гүлдер" ансамблiнің директоры. 1997-2001 жылдары ҚР Республикалық гвардия жанындағы Президенттік оркестрдің басшысы. 2003 жылы - Қазақстан Республикасы Мәдениет, ақпарат және спорт министрлiгiнiң "Республикалық және халықаралық мәдени бағдарламалар дирекциясы" республикалық мемлекеттiк қазыналық кәсiпорынының бас директоры.  2005 жылы "Қазақ әуендері" АҚ президенті. 2006-2007 жылдары ҚР Мәдениет және ақпарат вице-министрі.  2007 жылы Қазақстан Республикасы Президенті әкімшілігінің әлеуметтік-саясат бөлімінің бас инспекторы, ішкі саясат бөлімінің мәдениет басқармасында сектор меңгерушісі. 2008 жылдан бері Т. Жүргенов атындағы Қазақ ұлттық өнер академиясының ректоры.
«Құрмет» орденімен, «ҚР Тәуелсіздігіне 10 жыл», «ҚР Конституциясына 10 жыл», «Астанаға 10 жыл» медалдарымен марапатталған.