Амантай Қойшыбайұлы Ахетов

Амантай Қойшыбайұлы Ахетов 1947 жылы 23 мамырда Көкшетау қаласында дүниеге келген. ҚазМУ-дың (қазіргі әл-Фараби атындағы Қазақ ұлттық университеті) журналистика факультетін бітірген (1972). Ақын, жазушы, журналист. Қазақстан Жазушылар одағының мүшесі (1990).
Еңбек жолын 1966 жылы қазіргі Уәлиханов ауданындағы «Красное знамя» және «Қызыл ту» газеттерінде бастаған. 1977-1980 жылдары осы газеттерде редактор, 1980 жылдан Қазақстан мемлекеттік теле-радио компаниясында, Қазақстан мемлекеттік баспасөз комитетінде, Қазақстан Республикасының мемлекеттік ұлттық комитетінде, Қазақстан Республикасы Мәдениет, ақпарат және қоғамдық келісім министрлігінде жауапты қызметтерде болды. «Азия дауысы» және «Республика — 2000» республикалық газеттерінде бас редактор, «Юридическая газета» редакциясында бас редактордың орынбасары, бас редакторы қызметтерін атқарған.
Шығармалары «Откровение», «Мой друг, мой брат» жинақтарына енген. «Книга покаяния» (1989), «Судный день» деген өлең кітаптары, «Три Георгия» деген романы бар.
А.Мырзахметованың «Лучезарная», З.Жакенованың «Зов очей земли», Ж.Кизатованың «Испытание войной», Қ.Ахметбекованың «Солдат Победы» романдарын, Ш. Мұхаметжанованың өлеңдер жинағын және «Антология казахской этнопедагогики» жинағын қазақшаға аударған. Қазақстан Журналистер одағы сыйлығының лауреаты. Шығармаларын негізінен орыс тілінде жазады.