Абай Асанұлы Тоқсаба

Абай Асанұлы Тоқсаба 1960 жылы 21 наурызда дүниеге келген.  Алматы халық шаруашылығы институтын, Абай атындағы Алматы мемлекеттік университетін бітірген. Экономист, заңгер. Экономика ғылымдарының кандидаты.
Совхоздың аға, бас экономисі. Ұзынағаш көкөніс-сүт өндіру совхозы Кәсіподақ комитетінің Төрағасы болып сайланған. Қазақ ауылшаруашылық ғылым академиясының ҚазҒЗИ АӨК Экономика және ұйымдастырудың жетекші, бас экономист-маманы, кіші, аға ғылыми қызметкері, Қазақстан Республикасы Жоғарғы Кеңесі Аппаратының Қаржы-шаруашылық істері басқармасының сектор меңгерушісі, Сенат Аппаратының Өңірлік даму және жергілікті өзін-өзі басқару жөніндегі комитеті хатшылығының консультанты, сектор меңгерушісі, Қазақстан Республикасы Парламенті Сенаты Төрағасы орынбасарының көмекшісі, Парламент Сенаты Аппаратының Өңірлік даму және жергілікті өзін-өзі басқару комитетімен өзара байланыс жасау бөлімінің, Өңірлік және салалық даму комитетімен өзара байланыс жасау бөлімінің, Әкімшілік бөлімінің, Ұйымдастыру-бақылау және кадр жұмысы бөлімінің меңгерушісі, Аппарат Басшысының орынбасары болып қызмет істеген.  Қазір Ұйымдастыру-бақылау және кадр жұмысы бөлімінің меңгерушісі.
«Құрмет» орденімен, Қазақстан Республикасы Құрмет грамотасымен, ТМД ПАА Құрмет Грамотасымен, «Үздік мемлекеттік қызметші» төс белгісімен, алты медальмен марапатталған. Жамбыл ауданының құрметті азаматы.