Талдықорған полицейлері суреттегі адамдарды анықтады, - деп хабарлайды Alashainasy.kz тілшісі POLICE_of_KZ телеграм арнасына сілтеме жасап.
Кәмелетке толмаған баладан анасы мен психологтың қатысуымен сұхбат алынды.
Суреттің 2022 жылдың жазында түсірілгені анықталды. Суреттегі 25 жастағы жігіт қазір қалалық полицияға жеткізіліп, одан жауап алынды.
Аталған факті бойынша ҚР ҚҚ-нің 133-бабы “Кәмелетке толмаған адамды қоғамға жат әрекеттер жасауға тарту” бойынша сотқа дейінгі тергеу басталды.
Сонымен қатар, кәмелетке толмаған баланың анасының арызы бойынша ҚР ҚК-нің 147-бабы “Жеке өмірге қол сұғылмаушылықты және Қазақстан Республикасының дербес деректер және оларды қорғау туралы заңнамасын бұзу” бойынша қылмыстық іс қозғалды.