Ұлытау облысының әкімдігі бүгін тағы бір адам суға батып кеткенін растады, деп хабарлайды ҚазАқпарат.
10 маусым сағат 15:38 шамасында Жезқазған қаласындағы Кеңгір су қоймасынан тағы бір адамның мәйіті табылды.
1980 жылы туған азамат отбасымен демалысқа барған.
Оқиға орнына ТЖД қызметкерлері дереу жетіп, сот медициналық сараптама жасалды.
Еске сала кетейік, бұл - Ұлытау облысында бір аптаның ішінде тіркелген екінші жағдай.
«Құрметті, облыс тұрғындары! ТЖД өңірдегі рұқсат етілмеген орындарда шомылмауларыңызды сұрайды» деп ескертеді әкімдіктен.