Атырауда мейрамханалардың бірінде жаппай төбелеске жеткіншек пен бір әйел қатысқан, - деп хабарлайды Alashainasy.kz тілшісі POLICE_of_KZ-ке сілтеме жасап.
15 қаңтарда сағат 05:10 шамасында Атырау қаласы Темірханов көшесінің бойындағы мейрамханада жанжал шығып, 10 адам полиция бөліміне жеткізілді.
Сондай-ақ төбелеске бір кәмелетке толмаған жеткіншек пен бір әйелдің қатысқаны анықталды.
Тәртіп бұзушыларға қатысты ҚР ӘҚБтК-нің 434-бабы "Ұсақ бұзақылық" бойынша әкімшілік хаттамалар толтырылды.
Олардан қару тәркіленіп, құжаттар Атырау қаласының әкімшілік құқық бұзушылық істер жөніндегі мамандандырылған сотына жолданды.