Ақмолалық шопанның ауласынан ақбөкендердің ұшасы мен бастары табылды, - деп хабарлайды Alashainasy.kz тілшісі Azattyq Rýhy.kz-ке сілтеме жасап.
Жүргізілген рейдтік іс-шаралар барысында Жаңаесіл ауылында 44 жастағы жергілікті тұрғынның үйінің ауласынан 1 ақбөкеннің ұшасы табылды. Сондай-ақ сарайдан тағы 2 киіктің басы табылды.
Айтуынша, ол ақбөкендердің өлекселерін мал жайылып жатқан даладан тауып алып, оларды иттеріне жеуге берген.
«Сараптама тағайындалды. Осы факті бойынша ҚР ҚК 337-бабы 1-бөлігі «Заңсыз аңшылық» бойынша сотқа дейінгі тергеу жүргізіліп жатыр», - деп көрсетті ведомствоның баспасөз қызметі.