Алматыда "Кенжехан-2" базары өртенді
Алматыда Кенжехан базары өртенді, - деп хабарлайды Alashainasy.kz. Бұл туралы sputnik.kz тілшісі қалалық төтенше жағдайлар департаментінің баспасөз қызметіне сілтеме жасап жазды.
Оқиға 9 шілдеде сағат 12: 00-де болған.
"Алматы қаласы ТЖД күштері мен құралдары жоғары дәрежедегі шақырту бойынша Алатау ауданы, солтүстік айналма 118/4 мекенжайына жіберілді. Оқиға орнына өрт сөндірушілер 6 минутта жетті", - делінген хабарламада.
Өрт қоймалардан шыққан.
"Оқиға орнына жеке құрамынан 74 адам, сондай ақ 20 бірлік техника жұмылдырылды. Өрт бір сағатта сөндірілді. Тілсіз жау 200 шаршы метрден астам аумаққа таралған", - дейді өрт сөндірушілер.
Кенжехан базары - атақты Барахолка аталатын базардың бір бөлігі. Мұнда сауда жасайтындар ағыны еш толастаған емес. Өйткені, тұрмысқа ең қажет заттарды осы базардан табасыз.
