ҚР Төтенше жағдайлар министрлігі Өртке қарсы қызмет комитетінің төрағасы Нұрболат Дербісов Абай облысындағы орман өртіне қатысты соңғы мәліметтермен бөлісті, деп хабарлайды Zakon.kz.
"Абай облысы Семей резерватындағы орман өрті бойынша қазір жағдай тұрақты. Таң атқалы өртті барлау жұмысы жүріп жатыр. Қазір тілсіз жаумен күреске 8 тікұшақ жұмылдырылып, өрт сөндіріліп жатыр".ҚР Төтенше жағдайлар министрлігі Өртке қарсы қызмет комитетінің төрағасы Нұрболат Дербісов
Оның айтуынша, жұмыс барысына күннің ыстығы, жел кедергі келтіріп, орманның ішкі жағына кіруде қиындықтар туындауда.
"Өрт сөндіру жұмысына барлық құзырлы мекеме тартылды. Оның ішінде жергілікті атқарушы органдар, орман шаруашылығы мамандары, Қорғаныс министрлігінің жеке құрамы, тағы басқалар бар", - дейді өртке қарсы қызмет комитетінің басшысы.
ҚР ТЖМ бүгін таңғы сағат 4-тен бастап өрт орнына Қарағанды және Алматы облыстарынан екі әскери бөлімнің әскери қызметшілері жіберілгенін хабарлады. Қазіргі уақытта Абай облысында өртті сөндіру үш учаскеде жалғасуда.