Көптен бері ел алдына бірге шықпаған Төреғали Төреәлі мен Ерке Есмахан қолтықтасып түскен суреттерін желіге жүктеп, елді шулатты. Кезінде дуэт боп, хит әнді жарыққа шығарған әншілердің бірін-бірі "жау санауы" елдің түсініспеушілігін тудырды.
Бұл суреттердің астына Төреғали: "Үйренген жау атыспаққа жақсы", - деп жазып қойған.
Желі қолданушылары бұдан астар іздеп, әншінің неліктен Еркені "жау" деп атағанын түсінбей әлек болды.
Олар Ерке Есмахан продюсері Баяннан кеткен соң Төреғалимен шығармашылық қарым-қатынасын қайта қалпына келтірмек деген болжам айтты.
Сонымен бірге оқырмандар қос әншінің бір-біріне жұп болуға лайық екенін де айтып, осыған назар аудару керектігін ескертті.
