Танымал әнші Argonya Мейрмбек Беспаевқа қатты ренжігенін айтты
Жастар арасында өзіндік заманауи бағытымен танымал болған әнші Argonya журналист Нұрсұлтан Құрманға берген сұхбатында әнші ағасы Мейрамбек Беспаевқа ренжігенін айтты деп хабарлайды Oinet.kz тілшісі.
Нұрсұлтан Құрманмен болған сұхбат барысында ол не себепті дәл Мейрамбек Бесбаевқа қатты ренжігенін түсіндірді.
"Көп керағар пікір естідім. Көп аға буын өкілдері айтты. Көбінен естідім, көбісін қабылдадым. Бірақ, ең ауыр тигені - өзімнің ең қатты жақсы көретін ағамнан болды. Дәл сол ағамның сөздері маған ауыр тиді. Өйткені, сен өзің тамсанбайтын адам түсінбей жатса, саған да бәрібір. Ал, енді үлгі тұтатын әрі қатты жақсы көретін адамың солай айтып жатса, жаман болып қалады екенсің. Дәл "осы адам мені түсінеді "деп ойлағанда солай жасағаны ауыр. Менің ең сүйікті ағам деп отырғаны кісім - Мейрамбек Бесбаев. Бірақ, мен ол кісіге айтар сөзім мен қорғанысым жоқ. Ағам солай ойласа, солай да шығар.
Бағдарламаға ән жазуға кіріп қалғанда бөлмеде Мейрамбек аға, Тоқтар аға мен Аман аға болды. Өнер тарландары ғой енді. Аңыз адамдар біз үшін. Айқын мені таныстыра бергенде, олар "Argonya деген сен ба? Мынауың не? Танымал болудың жөні осы екен деп " деп маған сын төгілді. Мен енді ол жерде бірден басымды иіп, қабылдап, жеп қалдым. Мен қарсы шықсам шаруам бітетін еді. Бірақ, бір күні Алла тағала сол күнге жеткізіп жатса, мен асықпай отырып оларға түсіндіретін едім. Маркетинг деген нәрсе екенін айтар едім" - деді ол.
