Айдана Меденова жеке шығармашылығы мен бизнесін бастап кетті
«Kesh You» тобының әншісі Айдана Меденова жеке шығармашылы мен бизнесін бастап кетті.
Осы уақытқа дейін «Kesh You» тобында өнер көрсеткен Айдана Меденованың продюсері Баян Есентаевамен отырған келісім шарты ақпан айынан бастап тоқтайды. Бұл туралы бірінші болып baistars сайты жариялаған болатын.
Айдананың сахнадағы әріптестерінің айтуынша қазір әнші Өзбекстанның астанасы Ташкент қаласында жеке альбомын жазуға кірісіп кетіпті.
Сонымен қатар Айдананың негізгі мамандығы дизайнер. Осыған дейін әншінің продюсері Баян Есентаева Айдана топтан кеткеннен кейін дизайнерлік жұмыстарымен айналысуы мүмкін екенін телеарналарға берген сұхбатында айтқан болатын. Осы орайда енді әнші шығармашылығымен қоса өзінің жеке сән үйін ашады деген де сыбыс бар.
Ендеше әншінің алдағы жеке шығармашылығына тек сәттілік тілейміз!
baistars.kz
