Абай облысы Үржар ауданы Үржар ауылының тумасы Елена Викторқызы ұлтының орыс болғанымен, жүрегінің «қазақ» деп соғатынын айтып, елді өзіне қаратты, деп хабарлайды KYN.KZ.
Оның айтуынша, ол бұған дейін еліміздегі өзге диаспоралар арасында қазақ тіліне байланысты ұйымдастырылған байқаулардың жеңімпазы атанған. Сондай байқаулардың бірінде тұңғыш президент Нұрсұлтан Назарбаевпен болған жағдайды баяндап берді.
«Жүрегім – қазақ, руым – найман. Наймандарға мың сәлем! 2013 жылы елімізде Елбасымыздың қатысуымен өткен «Тілге құрмет – елге құрмет» байқауының бас жүлдегерімін. Назарбаевтың қолынан бас жүлде алған кезде маған сұрақ қойған. «Сен Елена Викторқызысың, руың қандай» деп сұраған еді. Мен «найманмын» дедім. Маған «Ұлы жүз, шапыраштымын» деп неге айтпайсың» деді. «Туған жердей жер болмас, туған елдей ел болмас» дедім. Наймандарымды ешқашан сатпаймын», — дейді Елена Викторқызы.
Мұны көрген желі қолданушылары да Еленаға ризашылығын білдіріп, оң пікір білдіріп жатыр.
«Қалай мықты сөйлейді», «ЖАРАЙСЫҢ, БАҚЫТТЫ БОЛ», «Молодец, жаным Найманка! Малдың жақсысы жайлауда, қыздың жақсысы Найманда», «Бәрекелді, керемет қыз екен».