Экология және табиғи ресурстар министрлігі Қазақстанда жаңа ережені сақтамаған ит пен мысық иелері қалай жазаланатынын айтты, - деп хабарлайды Tengrinews.kz тілшісі.
Экология және табиғи ресурстар министрі Зульфия Сүлейменованың бұйрығы 23 наурызда жарияланды, қоғамдық талқылау 6 сәуірге дейін жалғасады.
Министрліктің Орман шаруашылығы және жануарлар дүниесі комитеті жануарлар, аңшылық шаруашылығы басқармасының бас сарапшысы Ринат Есмағұловтың айтуынша, үй жануарларының иесі ережені бұзса, әкімшілік жазаға тартылады.
"Әкімшілік құқықбұзышылық кодексінің «Қазақстан Республикасының жануарларға жауапкершілікпен қарау саласындағы заңнамасын бұзу» деген 407-бабы, 2-ескертуі бойынша, жеке тұлғп 10 АЕК көлемінде айыппұл төлейді. Бұл - 34 500 теңге", - деді Ринат Есмағұлов.