Оқу-ағарту министрлігінің бұрынғы басшысы Асхат Аймағамбетов жемқорлықты жоюдың жолын ұсынды. Бұл туралы ол Нартай Аралбайұлына берген сұхбатында мәлімдеді.
- Жемқорлықты жою үшін - тәрибе, білім, ағартушылық, мәдениет қажет. Біз тек түрмеге отырғызумен, жауапкершілікке тартумен бұл мәселені толық шеше алмаймыз. Бұл үлкен індет, бұл ауру. Сол себепті де біз бұны білім беру, ағартушылық, саяси реформалар арқылы жеңе аламыз. Мысалы депутаттарды бір мандаттан сайлау, Парламентті басқаша сайлау, сот, әкімдерді сайлау секілді саяси реформалар қоғамды өзгеріске алып келеді. Бұл саяси реформалар болашақта өз жемісін береді. Бұл өзгерістерді түсіну үшін саяси ағартушылық пен білім қажет, - деді Асхат Аймағамбетов.