2006 жылы шыққан 500, 1 000, 2 000, 5 000 және 10 000 теңгелік ақшалардың күші жойылды
ҚР Ұлттық банкі 2006 жылғы үлгідегі номиналы 500, 1 000, 2 000, 5 000 және 10 000 теңгелік банкноталар айналымнан алынғанын және заңды төлем құралы болып саналмайтынын еске салады. Алайда оны Ұлттық банк филиалына кез келген уақытта әкеліп, айырбастауға болады, деп хабарлайды Zakon.kz.
"Дегенмен, 2021 жылғы 12 маусымнан бастап 2006 жылы және одан кейінгі жылдары шыққан банкноталарды айырбастаудың шексіз мерзімі әлі күшінде. Егер азаматтар қандай да бір себептерге байланысты айналымнан алынған ақша белгілерін айырбастап үлгермеген болса, оларды Ұлттық банктің аумақтық филиалдарында шексіз мерзімде, яғни кел келген уақытта ауыстыра алады" - деп мәлімдеді ҚР ҰБ баспасөз қызметі.
Ұлттық банктің филиалдарының мекен-жайы мен байланыс деректері туралы ақпаратты банктің сайтындағы "Аумақтық филиалдар" бөлімінен табуға болады.
2006 жылғы үлгідегі номиналы 500, 1 000, 2 000, 5 000 және 10 000 теңгелік банкноталар:
