Шымкентте өгей әке 6 жасар қызын зорлады деген күдікке ілінді
Шымкентте 44 жастағы ер адам 6 жасар өгей қызын зорлады деген күдікпен ұсталды, - деп хабарлайды Alashainasy.kz тілшісі Оtyrar.kz-ке сілтеме жасап.
Инсайдерлік дереккөз хабарлауынша, оқиға 21 тамызда болған.
Жаға ұстатарлық оқиға туралы бүлдіршін анасына тек ертеңіне айтқан көрінеді. Себебі әйел денсаулығына байланысты ауруханада болған екен. Сұмдық жайтты естіген келіншек дереу полицияға шағым түсірген.
Полицейлер дереу жедел әрекет етіп, күдіктіні ұстаған. Ер адамның пәтерінен 4 келі марихуана мен пластикалық бөтелкелер табылған. Қазіргі таңда жәбірленуші қызбен психологтар жұмыс істеп жатыр. Сот-медициналық сараптама тағайындалған.
OTYRAR редакциясы пікір алу үшін Шымкент қалалық Полиция департаментіне хат жолдады. Ведомстводағылар әзірге біздің сауалға жауап бермеді.
Соңғы сағатта көп оқылған жаңалықтар осында Massaget.kz
