Атырауда ер адам бұрынғы әйелін ұрып-соғып, көлікке сүйреп мінгізіп алып кеткен
![Атырауда ер адам бұрынғы әйелін ұрып-соғып, көлікке сүйреп мінгізіп алып кеткен](/image/stub.png)
Атырауда деструктивті діни ағымның өкілі бұрынғы әйелін ұрып, полицияға қарсылық көрсеткен. Қазір оның үстінен сотқа дейінгі тергеу жүріп жатыр, - деп хабарлайды Alashainasy.kz тілшісі "ҚазАқпарат"-қа сілтеме жасап.
Атырау облыстық полиция департаментінің баспасөз қызметінен мәлім еткендей, ер адам әйелді ұрып-соғып, көлікке сүйреп мінгізіп алып кеткен. Әйел көмек сұраған.
Бұл туралы оқиғаның куәгерлері 102 желісінің операторына хабар берген.
«Полиция қызметкерлері жедел-іздестіру іс-шарасын жүргізіп, күдікке ілінген Honda автокөлігін Атырау-Қарабатан тасжолынан анықтап, тоқтатты. Көліктің рульінде болған 1987 жылғы жүргізуші полиция қызметкерлеріне қарсылық танытып, заңды талабына бағынбаған. Ал 1988 жылғы әйел бұрынғы күйеуінің өзін ұрып-соғып, дене жарақатын салғанын, еркінен тыс көлікпен белгісіз бағытқа алып бара жатқанын мәлімдеді. Тексеру кезінде көлік жүргізушісінің бұрын сотты болғаны, деструктивті діни ағым өкілі екені анықталды», -деп хабарлады департаменттің баспасөз қызметі.
Әйелден зорлық-замбылық белгілері анықталған. Сот шешімімен 1987 жылғы жүргізуші ҚР Әкімшілік құқық бұзушылық туралы кодексінің 73-2 бабымен кінәлі деп табылды. Ол 2 тәулікке әкімшілік қамауға алынды.
«Бұрын дәл осындай құқық бұзушылықты төрт мәрте жасаған ер адам бұдан былай полицияның бақылауында болады. Сондай-ақ, ер адамға қатысты ҚР Қылмыстық кодексінің 378-бабының 2 бөлігімен (Билік өкілін қорлау) сотқа дейінгі тергеу жүргізіліп жатыр», -деп мәлім етті департаменттің баспасөз қызметі.
Еске сала кетелік, бұған дейін Атырауда дағдарыс орталығына жыл басынан 24 әйел мен 63 бала түскен.
Соңғы сағатта көп оқылған жаңалықтар осында Massaget.kz
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)