Ақтауда үш баласын өлтірген жауыз әкеге сот үкім шығарды
Ақтауда үш баласын өз қолымен өлтірген қатыгез әкеге үкім оқылды. 37 жастағы қаныпезер енді өмір бойы темір түрмеде отырады. Оның кінәсі сотта толық дәлелденген, - деп хабарлайды Alashainasy.kz тілшісі КТК.kz-ке сілтеме жасап.
Бейкүнә балаларды жауыздықпен өлтірген әкенің ісі қылмыстық істер жөніндегі мамандандырылған ауданаралық сотта қаралды.
Ол ажырасып кеткен әйелімен бірге тұратын үш баласын каникул кезінде Ақтау қаласына алдырған. Сосын бүлдіршіндердді пышақтап, артынша мүрделерін балталаған. Бірақ мұндай жауыздыққа неге барғаны белгісіз.
Қанды қылмыс 24 наурыз күні Ақтау қаласында болды.
Ел ішінде бұл оқиғаға қатысты түрлі сыбыс айтылуда. Бірі Атырауда жұмыс істейтін ажырасқан әйелі алимент талап еткен десе, енді бірі сотталушы есірткі шегіп алып ауыр қылмыс жасаған дейді.
Сот үкімі заңды күшіне әлі енген жоқ.
