Алматыда 4-8 қаңтарда тәртіпсіздіктерге қатысты деген күдікпен екі экстремистік топ ұсталды
Алматыда 4-8 қаңтар аралығында мегаполистегі жаппай тәртіпсіздіктерге белсенді қатысқан екі экстремистік топты ұстады. Бұл туралы Ұлттық қауіпсіздік комитеті мәлімеді, деп хабарлайды Stan.kz ақпарат агенттігі.
"9 қаңтарда жаппай құқыққа қарсы акциялар жасады, тыйым салынған экстремистік ұйымға басшылық жасады және оған қатысы болды деген күдікпен экстремистік әрекетке тарту бойынша бір топтың 4 мүшесі ұсталды", – делінген хабарламада.
Мәліметтерге сүйенсек, олардың тұрған жерлерін тінту кезінде атыс қаруы, травматикалық және жарық - шу гранаталары, патрондар, діни әдебиеттер және басқа да заттай дәлелдер табылып, тәркіленді.
ҰҚК мәліметтері бойынша, басқа топтың көшбасшысы, шетелдік азамат жаппай тәртіпсіздіктерге белсенді қатысып, Шетелдегі террористік топтармен байланыста болған. Тергеу нұсқасы бойынша, ол билік органдары мен күштік құрылымдарға жаппай заңсыз акциялар мен шабуылдарды дайындау үшін Қазақстанға мақсатты түрде келді.
