«Қараң қалған билік қайтып оңалмайды» – Қонаевтың туғанына 111 жыл

Бүгін, 12 қаңтарда Қазақстанның аса көрнекті мемлекет және қоғам қайраткері, үш мәрте Социалистік еңбек ері, Қазақ КСР Ғылым академиясының академигі, техника ғылымдарының докторы Дінмұхамед Қонаевтың (1912—1993) ​​​​​туғанына 111 жыл толып отыр. Осы орайда аңыз адамның айтып кеткен даналық сөздерін ұсынып отырмыз.

• Қараң қалған билік қайтып оңалмайды;
• Жастық шақ қанаттарын жайып салу үшін емес, жұмыс істеу үшін берілген;
• Өмірдің екі тірегі бар. Үйренуден жалықпау, үйретуден аянбау.
• Сыпайылық кiшiлiктен ғана емес, кiсiлiктен де туады;
• Жиырмасыншы ғасыр таңғажайып ғасыр, тарих үшін қызықты, ал замандас үшін қасірет ғасыры;
• Адам айнасы - адам;
• Адамға жазаның ең үлкені - жұмыссыз қалдыру;
• Ақиқаттан атап кету — арға сын;
• Өмірдің екі тірегі: үйренуден жалықпау, үйретуден аянбау;
• Сатыға аяқ салмай жатып, баспалдақтан аттама;
• Панам да ел, данам да ел. Соған арқа сүйедім, содан үйрендім;
• Өмір деген осы, бүгін бар, ертең жоқсың. Сен кетті екен деп өмір-өзен ағысын өзгертпейді;
• Абыройдан ақ отау тіктім деген кісінің де пенделігі аз болмайды;
• Қанмен сіңгенді қасиеттемесең, қадірің болмайды;
• Бүгінгі күн - кешегі күннің шәкірті;
• Адамдық қалыпты биік ұстау – кімге де болса үлкен сын;
• Сенім — құдіретті күш: тауды да қозғайды;
• Дүние түске дейін киіз, түстен кейін мүйіз болып кетуі әп-сәтте;
• Орынды сын ойлантпай қоймайды;
• Жалада шындық болмайды;
• Атқа мінген әкімнің үзеңгісін тең баспағанын бетіне бассаң бас, бірақ тарихқа, тағдырлас халыққа қиянат жасама;
• Тәуелсіздіктің жүгі ауыр.

bugin.kz