«Жүзіктер әміршісі» үшін министр лауазымы бекітіліпті

Дүниежүзіне мәшһүр «Жүзіктер билеушісі» киносының маңыздылығы сонша – бір елде министрлік құрылыпты деген әңгіме естідім. Соның анық-қанығы қандай?
Жазира АЛҒАЗЫҚЫЗЫ, Талғар
Дж. Р. Р. Толкин романының желісімен түсі­рі­ліп, 2001 жылдан бастап жарыққа шыққан Пи­тер Джексонның әйгілі «Жүзіктер әміршісі: Са­қина бауырластығы» фильмінің «Оскардың» төрт бірдей сыйлығын, одан бөлек, 68 әртүрлі марапат пен 81 аталымды жеңіп ал­ғаны көпке мәлім. 3000 адамға жуық тү­сіру тобын­дағы арт-департаментінде ғана 300-дей қыз­меткер жұмыс істеп, атышулы фильмге еңбек сіңіріпті. Түсіру тобының таңғы асының өзіне күн са­йын1460 жұмыртқа жұмсалып отырған екен. Ең қызықтысы, әлемге танымал фильмнің три­ло­гиясы Жерорта теңізі табиғатына ұқсас Жаңа Зе­ландияда түсіріліп, бұл елдің экономикасына 200 млн доллардай табыс әкеліпті. Сіздің сұрағыңызға қатысты, бұл арада министрлік емес, министр лауазымы деп түзету енгізген орынды. Шындығында, осы киноға байланыс­ты туындауы ықтимал экономикалық мәселе­лер­ді шешу мақсатында Жаңа Зеландия үкіметі «Жүзіктер әміршісі» ісі жөніндегі ми­нистр деген арнайы лауазым бекітіпті.