Жұмыртқаны сақтауға қандай талап қойылады?

Азық-түлік өндірумен және сатумен айналысатын компа­ния­­да қызмет етемін. Биыл өндірісімізде құс өнімдері пайда болды, соған байланысты қарапайым мәселеге тап болдық: жұ­мыртқа өнімдеріне байланысты қандай санитарлық құжат­тар бар және, жалпы, жұмыртқаларды сақтауға қатысты талаптар қандай?
Тамара ӘБІЛЕВА, Алматы қаласы
Санитарлық-эпидемиоло­гиялық қада­ғалау қызметі ма­ман­­дарының мәліметінше, жұ­мыртқа өнімдерінің санитарлық жағдайы ҚР Үкіметінің қаулысы­мен бекітілген «Азық-түлік сауда­сы нысандарын құру, күтіп ұстау және пайдалануға арналған санитарлық-эпидемиологиялық талаптар» атты ережеге сәйкес анықталады. Сауда орындары база­сында жұмыртқа өнімдері бүлінбеген таза ыдыс­та сақталуы керек және сапасы мен қауіп­сіздігіне қатысты нормативтік құжат­та­рының болуы міндетті. Қораптағы жұмырт­қалар еденге жанаспайтын биіктікте 20°С-тан аспайтын температурада, 65-70%-дық са­лыс­тырмалы ылғалдылықта сақталады. Екі аптадан ұзақ уақытқа сақтау үшін тоңазыт­қышты пайдалану керек. «Азықтық тауық жұмыртқасы» стандартына сәйкес, сауда орындарында оның қорабында сортталған уақыты, сақтау мерзімі көрсетіледі. Жұмырт­қа тез бұзылатын тағамдардың екінші тобына жатады. Толық мәліметті санитарлық-эпиде­мио­логиялық қадағалау қызметінен алу қажет.