Соңғы кездері денедегі артық түктерді алдырудың жаңа түрі пайда болды. Фотоэпиляцияның түк тазарту әдістерінің басқа түрлеріне қарағанда пайдасы қандай? Зияны бар ма?
Косметологтардың айтуынша, лазерлік немесе балауыз эпиляциясына қарағанда, фотоэпиляция қажетсіз түктерден арылудың тиімді және қауіпсіз әдісі болып табылады. Әрі басқасына қарағанда, жылдам жасалады. Сонымен қатар тері жабынына да айтарлықтай зиян келмейтін көрінеді. Терінің кез келген түріндегі әр алуан түсті түкті жоя алатын мүмкіндігіне қарап, оны әмбебап әдіс деп те атайды. Дегенмен мұның да өз кемшіліктері бар көрінеді. Дерматолог мамандар эпиляцияның барлық түрлері сияқты бұл да терінің созылмалы ауруына душар ететінін айтады. Процедура жүргізілген аумақ түйнеп ауыруы мүмкін. Түрлі инфекциялық аурулар да тез жұғады. Ал жүкті әйелдер мен жүйкесі сыр бергендерге бұл әдісті қолдануға мүлдем тыйым салынады.