Жол үстінде жүрек айнымас үшін не істеу керек?

Анам ұзақ жолды көтере алмайды. Машинаға мінсе болды, құсады. Жолда адам өзін жақсы сезіну үшін не істеу қажет?
Аманбике, Алматы қаласы
Құтқарушылардың айтуынша, жол қозғалысын көтере алмайтын адам­дардың автокөліктің алдыңғы орнына маңдай терезеге қарап отырғаны жөн. Сондай-ақ құсуды болдырмайтын дәрі-дәрмектерді немесе мұзкәмпит­терді қолданған дұрыс. Ұшақта «Взлетная» арнайы кәмпитінің тара­тылатыны содан. Көлікпен алыс жолға шыққанда, адамның басы айналуы, әлсіреуі мен жүрегінің айнуы – олардың бас пен дене қозғалысына тәуелді вестибулярлы аппа­ратының әлсіз­дігінен. Мұндай адамдарға жолау­шылар ұшағындағы қанаттардың аралық тұсындағы орындар, ал теңіз кемесінде камбуздан алыстағы орындар қолайлы. Құлақ жүйкесі әлсіз адамдардың ұзақ жол жүрерде тойып тамақ ішпеуі, спиртті ішімдіктер қолданбауы, сондай-ақ жол үстінде кітап оқымауы қажет.