Жоғары лауазымды қоса атқарғандар қандай ақы алады?

Мектептегі есепші бас есепшіні ауыстыра ала ма? Ауыстырған жағдайда жалақы қалай төленеді? Мұның заңды негізі қандай? Жоқ әлде директордың қаулысы негізінде төлене бере ме?
Замира Ибрагимова, Жамбыл облысы
Сарапшы мамандардың мәліме­ті­не қарағанда, азаматтық қызмет­ші­лерге еңбекақы төлеу жүйесі «Аза­­­мат­тық қызметшілерге, мемле­кет­тік бюджет қаражаты есебінен ұста­ла­тын ұйымдардың қызметкер­леріне, қазыналық кәсіпорындар­дың қыз­мет­керлеріне еңбекақы тө­леу жүйесі туралы» Қазақстан Республикасы Үкіметінің 2007 жылғы 29 желтоқ­сандағы №1400 қаулысымен (бұдан әрі – қаулы) реттеледі.
Қаулыға 19-қосымшада маман­дар­ға, қызметшілерге және жұмыс­шы­­ларға лауазымдарды қоса қызмет атқарғаны (қызметтер көрсету аясы кеңігені) үшін қызметкердің лауазым­дық жалақысынан 50%-ға дейінгі мөлшерде қосымша ақы белгілен­ген.
Көрсетілген қосымша ақы меке­ме­­лердің басшыларына, олардың орынба­сар­ларына қолданыл­майды және лауа­зымды қоса атқарған қызметкердің өз лауазымдық жалақысы­нан есептеледі.
Сонымен бірге аталған қосымшада уақытша болмаған қызметкердің міндет­терін орындағаны үшін қосымша ақы қарастырылған. Оның мөлшері жұмыстың нақты көлеміне қарай анықталады.
 Қазақстан Республикасы Еңбек кодексінің 130-бабына сәйкес, қызметкер әртүрлi бiлiктiлiк жұмыстарын орындаған кезде оның еңбегiне неғұрлым жоғары бiлiктiлiк жұмысы бойынша ақы төле­недi.