Жобалық қаржыландыру дегеніміз не?

Жобалық қаржыландыру мемлекеттің және жекеменшіктің әріптестігі негізінде құрылған компанияға ғана тән тетік пе?
Еркін, кәсіпкер
Жобалық қаржыландыру – бұл бөлінген активтер деп ата­латын, жобаны іске асыру­дан түсетін болашақ жүйелі ақша ағымдары бойынша талап ету құқықтарын беру нә­ти­жесінде тартылған қаржы­ны өтеу және қайтарудың негізгі көзі болып табылатын ұзақ мерзімді жобаларды қар­жы­ландыру әдісі. Жобалық қаржыландыру келісімдерін іске асыру үшін заң бойынша жеке арнайы қаржы компаниясы құрылады. Банк жоба­лық қаржыландыру мәмілелерін ұйым­дас­ты­ру бойынша, атап айтқанда мемлекеттік-же­кеменшік әріптестік шеңберіндегі ірі ин­вестициялық жобаларды іске асыру бойынша қызмет көрсетуді ұсынады.
Жобалық қаржыландырудың үлгілік сызбасы мынандай:
1.ҚР Үкіметі мен жекеменшік ком­па­ния­лар басқа қаржы институттарымен бірлесіп ак­ционерлік қоғам түріндегі жобалық ком­па­ния құрады. ҚР заң­на­масында жобалық ком­панияның тиімді қызметі үшін белгілі бір же­ңілдіктер қарастырылған болуға тиіс (са­лықтық жеңілдіктер және т.б.). 2.Жобалық ком­пания қажетті жабдықты және т.б. жет­кі­зу үшін құ­рылыс пен жөндеу жұмыстары бойынша тендер өт­кізеді. Жобалық компания тиісті келісімшарттар мен шарттар жасасады. 3.Жобалық компания ше­тел­дік банктер арасында қаржылық кеңесші және бүкіл жобаны қаржыландыруды ұйымдастырушыға тен­дер жариялайды, бұл ретте біздің еліміздің тара­пынан Қазақстан Даму банкі шығады. Жобалық ком­па­ния жобаны қаржыландыру үшін қарыз алуды ұйым­дастыруға мандат береді. 4.Жобалық ком­па­ния жоба бойынша құрылыс біткеннен кейін қызмет көр­сетуге түрлі әлеуетті тұтынушылармен шарттар жаса­сады. Жобалық компания көрсетілген қыз­меттен түскен түсімдер шоғырландырылатын және мін­­дет­темелерге қызмет көрсетілетін арнайы шот аша­ды.  5.Ше­телдік банктер ҚДБ-мен бірлесіп қарыз алуды: қамтамасыз етілген еурооблигацияларды, кредиттік желілерді, бірлесіп қаржыландыруды жүзеге асырады. Жобалық компанияның шотына құрылыс пен жөндеу жұмыстары бойынша жұмыс­тарға тө­леу­ге және жабдық және т.б. тартылған қа­ра­­жат тү­седі. 6.Нысан пайдалануға берілгеннен кейін ар­найы шотқа, тартылған қаражатқа қызмет көр­­се­туге жі­бе­рілетін қаражат қызметтерді тұ­ты­ну­шы­лар­дан түседі.