Жер телімі мәртебесіне қатысты құқықты қалай айыруға болады?

Қала сыртынан жер телімін алайын деген едім. Жеке қосалқы шаруашылық (ЛПХ) және жеке тұрғын үй құрылысы (ИЖС) мақсатындағы жер телімдерінің айырмасы қандай? Бастапқысы жалға алу болып табыла ма, ол меншікке өтпей ме?
Керім, Алматы қаласы
Аты айтып тұрғандай жеке қосалқы шаруашылық баспанамен қатар, бау-бақша өсіруге, мал бағуға құ­қық береді. Жер теліміне ойыңызда бар құрылысты шарт­та көрсетілген мерзім (5 жыл) ішінде орнатып бол­ған соң, оны жергілікті әкімшілік бойынша заң­дас­ты­расыз, яғни сол кезде ол меншігіңізге өтеді. Ал бел­­гі­ленген уақытта ешқандай іс-қимыл жасама­саңыз, жер телімін мемлекет кері қайтарып алуға құқығы бар.
Сондай-ақ жеке қосалқы шаруашылық жері екі ка­те­горияға бөлінеді: ауыл ішіндегі жер телімі және ауыл­дан жырақтағы жер телімі. Осының соңғысына са­лынған кез келген құрылыс нысаны заңсыз болып та­былады. Ал бастапқысының жеке тұрғын үй құ­рылысы мақсатындағы жер телімінен қатты айыр­масы жоқ. Инфрақұрылым, негізінен, жеке тұрғын үй құ­­ры­лысы мақсатындағы жер телімдеріне тезірек жет­­кізіледі. Бұл арада шаруа қожалығы  (КХ) мақ­са­тындағы жер телімдері ұзақ мерзімге жалға бе­рі­лу­ші болып та­былады.