Жеке оңалту бағдарламасы бойынша І топ мүгедегіне үйде көмек көрсетіле ме?

Бақылау және әлеуметтік қорғау комитеті жеке күтуші тағайындалуына байланысты І топ мүгедегіне үйде қызмет көрсетудің жеке оңалту бағдарламасын әртүрлі сылтаумен бермей отыр. Жеке оңалту бағдарламасына сәйкес, мұндай көмек міндетті түрде берілуі керек пе?
Сәдуақас САРЫМСАҚОВ, Оңтүстік Қазақстан облысы
Бақылау және әлеуметтік қор­ғау комитеті маманының мәлі­метіне қарағанда, «Қазақстан Рес­публика­сында мүгедектерді әлеу­меттік қор­ғау туралы» Қазақстан Респуб­лика­сының Заңына (бұдан әрі – Заң) сәй­кес, жүріп-тұруы қиын І топтағы мүге­дектерге жеке кө­мек­шінің қыз­меттері меди­ци­налық-әлеуметтік са­рап­тау бө­лі­мі әзірлеген медици­налық көр­се­тім­деріне сәйкес мүге­декті оңал­тудың жеке бағдарламасы негі­зінде көрсетіледі.
Қызмет алушыларды оларға бюджет қаражаты есебінен арнау­лы әлеуметтік қызмет көрсету үшін үйде қызмет көрсету ұйымына жіберуді қызмет алушының тұрғылықты жері бойынша аудандық (қалалық) жұмыспен қамту және әлеуметтік бағдарламалардың уәкілетті органдары жүзеге асырады.
Арнаулы әлеуметтік қызмет көр­сету кезінде қызмет алушының жа­сы мен денсаулығының жай-күйі, оң­ал­тудың жеке бағдарламасының маз­мұны, қозғалыс белсенділігінің тө­мендеу дәрежесі, тұру жағдайы және басқа да объективті факторлар ескеріледі.
Осыған орай I топтағы мүгедек­терге жеке көмекші қызметін көр­сету тәртібі жергілікті өкілетті органдармен атқарылады.