Жедел құтқару жасағы қандай жағдайларда әрекет етеді?
Алматы қаласындағы республикалық жедел құтқару жасағы қандай төтенше оқиғалар кезінде әрекет етеді? Оның мамандары көрші облыстардың аумағындағы жағдайларға жауап бере ме, байланыс телефондары қандай?
Бақыт Елсейітов, Алматы облысы
ҚР Төтенше жағдайлар министрлігі мамандарының мәліметінше, республикалық жедел құтқару жасағы табиғи және техногенді сипаттағы төтенше оқиғалардың барлығында да құтқару, іздеу жұмыстарын жүргізе алады. Соның ішінде ғимараттардағы газ жарылысы, жер сілкінісі, су тасқыны, қар көшкіні, адамдардың адасып кетуі, көлік апаттары сияқты жағдайларда әрекет ету үшін дайындықтарын үнемі пысықтап отырады. Мамандар алғашқы медициналық жәрдем көрсете алады. Жасақ халықаралық талаптарға сай 14 тәулік бойы тиімді жұмыс жүргізуге әзір. Құтқарушылар, негізінен, Алматы қаласы және Алматы, Жамбыл облыстары аумағында жұмыс істейді. Байланыс телефоны: 8 (7272) 95-79-11.
