«Жасырын камера» кәсіби тәсіл ме?

Кейбір журналистер «жасырын камера» әдісін қолданып, неше түрлі материал жасап жатады. Бұл қызық әдіс болғанымен, көбіне сыртынан байқатпай түсіріп алған адамның құқығын бұзып, ар-ожданын аяққа таптау сияқты көрінеді. Жалпы, бұл әдіс кәсіби репортердің жұмысына тән бе?
Айдос, Астана қаласы
Телевизия саласы қызметкерлерінің күн­де­лікті жұмыста қолданатын түрлі кәсіби әдістері бар. «Жасырын камера» – солардың бірі. Бұл журналистік тексеріс жанрында жиі қолда­ны­лады. Сондай-ақ күнбе-күнгі эфир жаңа­лық­тары үшін репортерлік материалға белгілі бір ақпарат не түсініктеме міндетті түрде қажет болғанда және оны басқаша жолмен, айта­лық, интервьюердің ерікті келі­сімімен алу мүм­кін болмағанда, тілші мұндай әдіске жү­гінуге мәжбүр болады. Сонымен бірге төтен­ше оқиға, қылмыс не заңсыз­дықтарға қатысты материалда ақ­параттың кейіпкері мәліметті не оқиғаны қасақана жасырмақ болған кезде қол­да­нылады. «Жасырын камераны» қолдану жур­налист пен телеоператордан кәсіби ше­бер­лік пен этиканы талап етеді. Белгілі теле­продюсер Серік Абас-Шахтың пікірінше, эти­каға жат, азаматтардың ар-ожданына нұқсан келтіретін жайттарды жасырын түсіріп алып, эфирден көрсету – біліксіздік.