Жастар саясаты жөніндегі кеңес қашан құрылды?

Президент жанындағы Жастар саясаты жөніндегі кеңес жайлы білгім келеді. Бұл кеңестің басты міндеттері мен мақсаттары қандай?
Ақылбек, Қостанай
Мемлекет басшысының 2008 жыл­ғы 1 шілдедегі №625 Жар­лы­ғы­мен  ҚР Президентінің жа­нын­дағы Жас­тар саясаты жөніндегі ке­ңесі құ­рылған болатын. Бұл ке­ңестің басты мін­деттеріне жастарға қа­тысты ке­шен­ді мемлекеттік сая­саттың басым ба­ғыт­тарын анықтау, қалыптастыру жә­не іске асыру, ҚР Президентін жас­тар арасындағы ахуал туралы ха­бар­дар етіп отыру, мемлекеттік жастар сая­сатын іске асыру тиімділігіне тал­дау жасау, мем­лекет саясатының жас­тар­ға қа­­тысты өзге де маңызды мәсе­ле­­ле­рін талқылау секілді мәселелер жа­тады. Кеңеске төраға басшылық жа­сайды. Кеңестің жеке құрамын ҚР Пр­езидентi бекiтедi. Кеңес ор­талық мем­лекеттік органдардың, рес­пу­бли­калық және өңірлік дең­гейдегі аза­маттық қоғам инс­ти­туттары мен қоғам өкіл­дерінен жа­сақталып, үш жыл мер­зімге құ­ры­лып отырады. Кеңес оты­рыстары қа­жеттiлікке қарай ұйым­дас­ты­рылады. Десек те, кем де­ген­де жы­лына бір мәрте өтуі – шарт. Со­нымен қатар бұл басқосуға ке­ңес мүшелерінің жартысынан көбі қатысуы керек. Кеңес жұмысы ағым­дағы және перс­пек­тивалық жос­парлар негізінде жү­зеге асы­ры­лады. Кеңестің жұмыс жос­па­рын оның мүшелерінің ой-пі­кірлерін, сон­дай-ақ мемлекеттік ор­ган­­дар­дың ұсыныстарын ескере оты­­рып, төраға бекітеді. Ал шешiмдер ті­ке­лей ашық дауыс беру арқылы қа­был­­данады.