Соңғы кездері жасанды алаң деген тіркесті жиі естіп жүрмін. Футбол жанкүйері болғандықтан, ойыншылар доп тебетін алаңның сапасы мен ыңғайлылығы мені де алаңдатады. Жасанды алаңның табиғи алаңнан айырмашылығы қандай?
Мәди Нұрланбек, Жаңақорған кенті
Миллиондардың ойыны саналатын футбол алаңы соңғы кезде көп өзгерісті басынан кешіруде. Қазіргі таңда алаңның үш түрі бар: табиғи, жасанды және табиғи мен жасанды алаңның синтезделген түрі. Табиғи алаң құмнан, шымнан және арнайы өсірілген шөптен тұрады. Футболшылардың барлығы дерлік табиғи алаңда доп тепкенді жақсы көреді. Себебі мұнда жарақат алу қаупі аздау. Ал жасанды алаң жасанды құйма мен жасанды шөптен құралады. Жасанды құйманы мамандар арнайы теңіз құмы мен резеңке қиқымдардан дайындап шығарады. Жергілікті билік пен спорт клубының басшылары табиғи алаңды суарып, баптау көп қиындық туғызатынын ескеріп, жасанды алаңның көмегіне жиі жүгінуде. Бірақ жасы келген ойыншылар жасанды алаңда жарақат алу қаупінің өте жоғары екенін айтады. Тіпті Еуропадағы маңдайалды клубтардың өзі жасанды алаңға үйренісе алмай, қарсыласына жол беріп қоюы аз емес. Бүгінде әлемге белгілі стадиондардан мәскеулік «Лужники», Нью-Йорктық Giant Stadium, Астананың «Астана-Арена» стадиондары жасанды алаңмен көмкерілген.
Жасанды алаңға жиі жүгінуіміздің себебі неде?
Последние статьи автора