Жарты ай белгісі нені білдіреді?

Мұсылман дінінің символы ретінде жарты ай белгіленетінін білеміз, ол нені меңзейді?
Қадиша ҒАНИҚЫЗЫ, Алматы облысы
Пайғамбар дәуіріндегі исламда жар­ты ай бейнесі ешқандай мағына берген жоқ. Жарты ай бейнесі Осман династиясының символы бол­ған. Аңыз бойынша, 1299 жылы Осман түсінде жердің бір басынан екін­ші шетіне қарай жылыстап келе жат­қан жарты айды көреді. Мұны жақ­сылыққа жорыған Осман жарты ай­ды өз династиясының символы етіп таңдап алады. Ислам діні Осман им­пе­риясының кезінде территориялық тұр­ғыдан да, рухани жағынан да ерек­ше күшейгендіктен, әлем жұрт­шы­лығы жарты айды исламның сим­волы ретінде қабылдаған. Алайда көп­теген мұсылман мемлекеті, әсіресе иран­дықтар мен шииттер, қазіргі араб әлемі бұл символды мойындамай­ды. Жалпы, жарты ай символы – ислам­нан ертеректе пайда болған ұғым. Ежел­гі гректерде бұл бейне тазалықты меңзеген.