Жапония – әлемдегі ең ежелгі монархия

Күншығыс еліндегі императорлық әулет қай уақыттан бастап билік етіп келеді, тарихының тамыры қай кезден басталады?
Сұлуханым Ғибратова, Алматы
Жапонияның императорлық династиясы ешқашан үзілген емес. Ежелгі жапон жұртының аңызы бойынша, Жапония аралдарын Күн құ­дайы Аматэрасу жасаған. Оның ұрпағы Дзимму аралдың бүкіл халқын біріктіріп, тұңғыш император тәжін киіп, таққа отырған.  Күншығыс елінің қазіргі билеуші императоры Акихито біздің дәуірімізге дейінгі 711 жылы Жапонияның негізін қалаған тұңғыш император Дзиммудың тікелей ұрпағы болып саналады. Жапон елінде патша немесе патшайым монарх ретінде ғана емес, құдай сияқты ерекше құрметке ие. Деген­мен жапон императорлары әркез құдіретті бол­ған жоқ, тақ үшін династиялар арасында талас-тар­тыс, қантөгістер, азаматтық соғыстар дүр­кін-дүркін болды. Императорлыққа талас XVI ғасырда Токугава династиясының билеу­ші­лері тұсында тыйылып, билік бір қолға берік шо­ғыр­ланды. 200 жыл бойы ел шекарасы жа­былып, шетелдіктердің келуіне және жапондық­тар­дың шетелге шығуына шектеу қойылды. Жа­пония елінің басқа әлемнен оқшаулануы арқылы ескі астанасы Киотода императорлық билік бүгінге де­йін үзілмей жалғасты.