Жаңа қазақ-түрік лицейі қайдан ашылады?

Алматы облысында жаңадан қазақ-түрік лицейі ашылады деп естіп едім. Осыны нақтылап берсеңіздер.
Күлән БЕКНАЗАРОВА, Есік қаласы
Қазіргі уақытта Алматы облысы, Тал­ғар ауданы, Талғар қаласында әлеу­­меттік аз қам­тыл­ған отбасы­лар­дың балаларына арналған қазақ-түрік ли­цейінің құрылысы жүріп жатыр. Лицей қасынан сондай-ақ 300 орын­дық ин­тернат пен кітапхана, спорт алаңдары мен асхана салынбақ. Ли­цей  ал­ғашқы кезеңде 500-ге жуық ба­ланы қабыл­дап, оқытуға мүмкіндігі бар. Қаржылық мәселелер қолбайлау бол­маса, жо­баның бірінші бөлігі биыл­ғы оқу жылына дайын болмақ. Жаңа лицей толығымен алдағы жылы іске қо­сы­латын болады. Әлеуметтік жаңару са­ласындағы жобалардың бірі саналатын оның құрылысын «Ахыска» Қазақстан түріктерінің қоға­мы» рес­пуб­ликалық қоғамдық бірлес­тігі жү­зеге асыруда.