Халықаралық дипломатиямыздың бастауында Қасым хан тұр

Қазақ хандығының халықаралық дипломатиясы ресми түрде қашаннан бастау алады?
Есентай, Арқалық қаласы
Ұлтымыз ежелден-ақ өзге елдермен ха­лықаралық дипломатиялық қарым-қа­тынаста болғаны белгілі. Десе де, тарих­шылар XVI ғасырдың екінші он­жылды­ғында Қасым хан өз билігін кең-байтақ қазақ даласының басым бөлігіне орнатуы себебінен, ресми диплома­тия­ның баста­уын сол бір кезеңмен бай­ла­ныстырады. Өйткені сол тұста ұлтымыз қазіргі Қазақ­стан аумағы көлемінде тұтас бір мемле­кет­ке ұйысып, саяси дамуы қарқындады. Қасым ханның би­лігінің нығайғаны сон­ша­лық – халқы­ның саны 1 миллионнан асып, атты әске­рі 300 мыңға дейін жетті. Ос­ындай се­бептер негізінде Қазақ хан­дығы дер­бес мемлекет ретінде халық­аралық қаты­­насқа ресми түрде араласуға мүм­кіндік алды. Қасым ханның алғаш­қы­лардың бірі болып дипломатиялық қа­ты­нас жасаған елі – Мәскеу мемлекеті. 1517 және 1526 жылдары австралия­лық дип­ло­мат Сигизмунд Герберштейн өз жаз­ба­ларында Қазақ елі туралы жазып, Қасым хан билігін Батыс Еуро­паға та­ныс­тырды.