Витилигомен қалай күреседі?

Менің баламның шашы аппақ болып туылды. Қазір ұлымның жасы 15-ке келді, бірақ шашы әлі қарайған жоқ. Дәрігерлер оның витилиго ауруына ұшырағанын айтады. Осы дерт неден пайда болады? Жалпы, витилигомен күрестің қандай жолдары бар?
Айман ДӘРЕНБЕКҚЫЗЫ, Алматы қаласы

Витилиго адамда көбіне тұқымқуа­лаушы­лықтан, жүйке жүйесі мен эндокрин бездері қыз­метінің бұзылуынан және ағзаның қорғаныс қабілеті төмендеуі салдарынан пайда болады. Аталған ауруға дұрыс тамақтанбау, күйзеліс пен алған жарақаттар да – себепкер. Сондай-ақ вити­лигоға бауыры ауыратын, ішек құрты барлар мен гепатит, қызылша секілді созылмалы дерт­термен ауырған науқастар да шалдығады. Витилигоның себептері өте көп. Ол адамның кез келген жерінде, көбіне қолында, саусақтарында пайда болады. Бетте, ерінде, көздің айналасы мен қабақта да жиі кездеседі. Соның салдарынан түк шығатын жерлер тез ағарады.  Жалпы, бұл ауруға шал­дыққан жандар ағзаның қорғаныс қабілетін көтеруге тырысқандары жөн. Сондай-ақ ауру адамның өзін-өзі жегідей жеп көп ойлануына, өзін өзгелерден кемсітуіне жол бермеуі керек. Осындай кезде дәрігердің көме­гіне жүгініп, жеуге болатын және болмайтын тағам түрлері жөнінде де тиісті кеңестер алған­ның пайдасы мол. Есте болсын, витилиго – жұқпалы ауру емес, дегенмен ол асқынған жағдайда ағзада бұғып жатқан өзге ауруларды да қоздыруы мүмкін.