Вербалды нота деген не?

Елдер арасындағы қарым-қатынаста қолданы­ла­­­тын вербалды нота қандай құжат болып табы­ла­ды?
Сағи ДОСҚАРАЕВ, Алматы
Вербалды нота – мазмұ­ны баса назар аударуды қа­жет­сінетін, бірақ жариялауға жат­пайтын өте маңызды дип­ломатиялық құжат.
Ертеректе елдер арасын­да жеке нота кеңінен қол­да­нылатын кезде, мемлекеттер арасын­дағы вербалды нота­ның жүруі олардың қарым-қа­тынасының аса достық сипатта емес екендігінің бел­гісі болды. Кейінірек вер­­бал­ды нота диплома­тия­лық хат алмасудың фор­ма­сына ай­­налып, мемлекет­тер ара­сын­дағы қарым-қа­ты­настың си­патына (жақсы, жаман) аса мән бермеді. Вербалды нота­лар агреман (келісім) сұрау­дан бастап, ақпарат алу, қа­был­даушы ел­ге дипломат­тар­дың келуі немесе кетуі, виза мәселе­ле­рі және екі­жақты қарым-қа­тынастың ағымдағы мә­се­лелерінің кең көлемін қарастырады.
Вербалды нота мәтіні үшін­ші жақтан жасалады. Ар­найы нота парағына ба­сы­лып, шығу реттік саны бо­лады, қол қойылмайды. Но­та­­ның соңына белгілі ел­таң­балы мөр басылады. Кей­де мөр­дің үстіне немесе мә­тін­­нің соңына елшілік жетек­шісі өз инициалдарын қоя­ды. Вер­­балды нотаның төменгі сол жағында мекенжай мен жі­берілу мерзімі көрсетіледі.