Велоспорт Олимпиада бағдарламасынан алынуы мүмкін

Велоспорт – менің сүйікті спортым. Бірақ кеше спорттың осы түрі Олим­пиада бағдарламасынан алынып тасталынады деп естіп қалдым. Не үшін? Неліктен? Жалпы, бұл ақпарат қаншалықты рас.
Айдар Айманбетов, Талдықорған қаласы
Шынында да, бүгінде велоспорттың жағ­дайы мәз емес. Бұған әйгілі вело­ша­бан­доз Лэнс Армстронгке қатысты допинг да­уы себеп болып отыр. «Егер Армстронг Ха­лықаралық велосипед­ші­лер қа­уым­дас­тығы басшыларының до­пинг­тік дау­лар­ға қатысы барын дә­лел­деп бере алса, он­да спорттың бұл түрін Олимпиада бағ­дар­ламасынан алып тастаудан басқа ама­лымыз қалмайды», – деп мәлімдеме жа­сады Халықаралық Олимпиада ко­ми­те­тінің мүшесі Дик Паунд.
Естеріңізге сала кетейік, өткен жылы та­­мыз айында АҚШ-тың допингке қар­сы агент­тігі (USADA) Лэнс Армстронгтың ты­­йым салынған дәрілерді пай­да­лан­ғанын дә­лелдеп, шабандоздың 1999 жылдан бер­гі жеткен жетістіктерін жоқ­қа шы­ғарған болатын. Сөйтіп, «Тур де Франс» мәр­тебелі велокөпкүндігінің ең көп жүлдесін алған аңыз спортшы ата­ғы­нан да, абыройынан да бір-ақ айы­рыл­ған.
Ал өткен дүйсенбі күні Лэнс Арм­стронг әйгілі тележүргізуші Опра Уин­фри­­дің бағдарламасында допинг қол­дан­ғандығын мойындады. Сол ток-шоуда Армстронг тіпті UCI бас­шы­ла­­рын да допингтік дауларға қатысты деп айы­птаған болатын. Қажет болса, ол адам­дардың есімдерін жариялап, до­­пингке қарсы агенттікпен бірлесе жұ­мыс жа­сауға дайын екенін де айтқан...