Ұшынудың қатерлі түрінен қалай сақтану керек?

Ботулизм ауруы неден жұғады? Қалай сақтанған жөн?
Эльмира Нұрмағамбетова, Алматы қаласы
Ботулизм – тамақтан уланудың өте ауыр түрі, ботулинум клостридиясы (бак­терия) немесе ботулотоксин қоздырғышы бар асты жеген кезде ағза уланып, жүйке жүйесі зақымданады. Әсіресе мұндай қоздырғыштар шыны банкаларға қолдан жауып әзірленетін тағамдар құрамында пайда болады. Балық пен тауық еті, сондай-ақ шұжық­тар дұрыс сақталмаған кезде де оларда ботулотоксин түзілуі мүмкін. Санитар-эпидемиологтердің мәліметінше, Ал­маты қаласы аумағының топырағында ботулизм қоздырғышы кең тараған. Сол себепті бау-бақша өнімдерін қолдан­ғанда абай болған жөн. Аурудың алғаш­қы белгілері – іштің өтуі, әлсіздік, бас ауруы, құсу, сөйлеудің қиындауы, көздің көрмей қалуы, тыныс алудың нашарлауы. Мұндай белгілер байқалған кезде бірден дәрігерге көрінген дұрыс, өйткені ботулизмге қарсы сарысу тек инфекциялық ауру­ханаларда ғана бар. Айта кетейік, биыл Алматыда ботулизмді тоғыз адам жұқ­тырған.