«Үшінші әлем» терминін енгізген – Альфред Сови

Саясаттағы «үшінші әлем» деген ұғымды қалай түсінуге болады?
Лиза, Семей қаласы
Үшінші – әлемдегі дамушы елдердің шарт­ты атауы. Шамамен 1945-1990 жылдар ара­лы­ғын­да дүниежүзі мемлекеттері капита­лизм және социа­лизм болып екі лагерьге бөлінді. Осы жыл­дар аралығында отарлық езгіден енді ғана құты­лып шыққан Оңтүстік-Шығыс Азия, Африка, Ла­тын Америкасы елдері шартты түр­де «Үшінші әл­ем­ге» жатқызылды. Бұл терминді ең алғаш 1952 жылы Альфред Сови қолданды. 1989-1991 жылдарда Оңтүстік-Шығыс, Орта­лы­қ Еу­ро­па және КСРО-дағы социалдық жүйе ыдыра­ған­нан ке­йін екі лагерьге бөліну мәселесі өз-өзі­нен жо­йылды. Оның орнына аса жоғары техно­ло­гия­лық жетіс­тіктерге жеткен мемлекет­терде (Ба­тыс Еуро­па елдері, АҚШ, Жапония т.б.) пос­тиндус­триалды ел­дер де­ген атау ор­нықты. Десе де, әлі күнге дамушы ел­дер­ді «үш­інші әлем» деп атап келеміз. Со­дан болар, қазір біз әлі күнге Азия­ның, Аф­ри­ка­ның, Ла­тын Аме­рикасының артта қал­ған дамушы ел­дерін «үш­інші әлем» деп атаймыз. Ол – ол ма, бү­гінде өте кедей мемлекет­терге қатысты «төртiншi әлем» елдерi деген ұғым қолданылып жүр.